Baş dönmə ilə müşayiət olunan vestibulyar aparatın qəfil pozulması təcili tibbi yardım tələb edən şərtlərə aiddir.

Tibb.fed.az bildirir ki, bütün başgicəllənmələr təcili tibbi yardım tələb edə biləcək patoloji səbəb deyil. Məsələn, ortostatik hipotenziya həyat üçün ciddi bir təhlükə yaratmır.

Nevroloq Alexander Budik "bir adam, məsələn, stuldan və ya divandan qalxarkən qısa müddətli başgicəllənmə yaşayırsa, bu vəziyyətlə bağlı həkimə müraciət etməli deyil" söyləyib.

Ancaq vestibulyar aparatın zədələnməsi səbəbindən başın fırlanmağa başlaması halında, belə bir dəyişiklik mütləq bir nevroloq tərəfindən araşdırılmalıdır. Nevroloq bildirib ki, xəyali fırlanma hissi beyinin bu və ya digər patoloji səbəblə əlaqədar məlumatları doğru qəbul etməyi dayandırdığını göstərə bilər.

Başgicəllənməsi olan insanda müşahidə edilən və təcili yardım çağırmağı zəruri edən simptomlar bunlardır:

-temperaturun artımı,

-baş ağrısı,

-qusma

-qolların və ya ayaqların fəaliyyətinin pozulması, onlarda ani zəiflik,

-əyrilik, üzün asimmetriyası.

Bundan əlavə, başgicəllənmə çox güclü hiss olunursa, həkimə mütləq müraciət edilməlidir.