Bədənin bəzi nahiyələrində (boyun, qoltuqaltı, qasıq, oynaq ətrafları, diz və dirsəklər) dərinin qalınlaşması, rənginin tündləşməsi şəklində görünən bu əlamət pasientlər tərəfindən sırf dermatoloji problem olaraq başa düşülür.

Tibb.fed.az dr.uzman endokrinoloq Fərhad Burzuya istinadla bildirir ki, bədəndəki bu dəyişiklik bu çox zaman endokrinoloji səbəbdən yarana bilər. Onun sözlərinə görə, mexanizm olaraq İnsulin dirənci  zamanı  artmış insulin dəridə müxtəlif reseptorlara təsir edərək keratosit və fibroblastların sürətli bölünməsinə səbəb olur: “Nəticə olaraq dəridə hiperpiqmentasiya, hiperkeratoz yaranır.

-Akantozis nigrikans əsasən insulin dirənci, obezite, şəkərli diabet zamanı rast gəlinsə də, bəzən diabeti olmayan pasientlərdə gələcəkdə diabet olma riskini göstərir”.

F.Burzu bu hallarla rastlaşmış insanların vaxtında endokrinoloqa müraciət etməsini məsləhət görür.