Banner
Banner

Xəbərlər

“Peyvənd olunan xəstələrdə əməliyyat sonrası ölüm halları azalıb” – CƏRRAH ELGÜN SƏMƏDOV

“Peyvənd olunan xəstələrdə əməliyyat sonrası ölüm halları azalıb” – CƏRRAH ELGÜN SƏMƏDOV
14:42 5 Aprel 2021

Bütün dünyanı bürüyən Covid-19 pandemiyası dövründə təxirə salınan planlı cərrahi əməliyyatlara qoyulan qadağalar aradan götürülə bilər.

Tibb.fed.az bildirir ki, bu barədə “Leyla Medical Center”in həkimi cərrah Elgün Səmədov açıqlama verib. Cərrah “British Journal of Surgery” jurnalında dərc edilən elmi məqalədə dünyada Covid-19 əleyhinə peyvənd olunaraq əməliyyat olunan xəstələrdə əməliyyatdan sonrakı Covid-ə bağlı ölüm hallarının sayında azalma müşahidə edilməsiylə bağlı qeydlərə toxunub: “Daha öncə dərc edilən məqalələrdə göstərilirdi ki, 70 yaşdan yuxarı xəstələrin əməliyyatdan sonrakı ağırlaşma ehtimalı 3% idisə, pandemiya dövründə Covid-ə yoluxmuş xəstələrin əməliyyatdan sonrakı ölüm ehtimalı 18,6 % olmuşdu. “British Journal of Surgery” jurnalında dərc olunan sonuncu məqalədə isə, Azərbaycanın da qatıldığı 116 ölkənin mütəxəssislərinin iştirak etdiyi araşdırmanın nəticələri qeyd olunub. Bu nəticələrdən aydın olub ki, əməliyyatdan əvvəl peyvəndləmə olunan 70 yaşdan yuxarı və xərcəng xəstələri arasında Covid-ə bağlı ölüm ehtimalı əhəmiyyətli dərəcədə azalıb”.

“Xərçəng, insult, infarktdan daha çox adam öldüyü halda, niyə COVİD reklam olunur?” – HƏKİMDƏN AÇIQLAMA

Tədqiqat qrupunda yer alan cərrah Elgün Səmədov qeyd edib ki, dünyada Covid-19 pandemiyası dövründə planlı cərrahi əməliyyatlar təxirə salınmışdı: “İndi isə deyilir ki, peyvəndləmə olduğu halda xəstənin yaşı 70-dan yuxarı olarsa 1 il ərzində statistik olaraq 60 min insanın Covid-ə bağlı ölümün qarşısı alına bilər. Bu tədqiqatın böyük nəticəsidir və dünya üzrə kifayət qədər böyük rəqəmdir. Pandemiya başlayanda bəzi məlumatlar yayılmışdı ki, ümumi anastesiya ilə cərrahi əməliyyatdan sonra Covid tutan xəstələrdə ölüm faizi 20% ola bilər. Bu xəstəlik tam araşdırılmadığı üçün dəqiq məlumat yox idi. Biz də öz xəstəxanamızda planlı əməliyyatları saxlamışdıq. Xəstələrdə də təşviş vardı.  Amma bu gün əminliklə deyə bilərik ki, peyvənd olunan xəstələrdə əməliyyatlar riskli hesab olunmur. Mənim tərəfimdən də tövsiyyə olunur ki, cərrahi əməliyyatdan öncə peyvənd olunsunlar”.

Həkim-cərrar onu da vurğulayıb ki, araşdırmanı həyata keçirən Birmingham Universitetinin tədqiqatçılarından olan cərrah Dmitri Nepoqodiyev də,  planlı cərrahiyyə planlanan xəstələr üçün Covid öncəsi peyvəndə önəm verilməli olduğunu deyib: “Bu tədqiqat Birmingham Universiteti tərəfindən idarə olunub. Tədqiqatda bir çox ölkələrdən Türkiyə, Azərbaycan, Avstraliya, Braziliya Çin, Hindistan, Birləşmiş Ərəb Əmirlikləri, İngiltərə və ABŞ-ın da daxil olduğu 116 ölkədəki 1667 xəstəxanadan 141.582 xəstənin dataları araşdırılıb”.

Qeyd edək ki, beynəlxalq elm adamlarının araşdırmalarına əsasən, pandemiya dövründə təcili olmadığı halda əməliyyatları təxirə düşən xəstələrdə əməliyyat öncəsi Covid-19 peyvəndinin virusa bağlı ölüm riskini azaltdığı məlum olub.

Birmingham Üniversitetindəki mütəxəssislər tərəfindən idarə olunan “COVIDSurg Collaborative” beynəlxalq araşdırma heyəti “Cərrahiyyə əməliyyatı planlaşdırılan xəstələrə Covid-19 peyvəndi vurulmasına önəm verilməlidirmi?” mövzusunda araşdırma aparıb. Araşdırmanın nəticələri, dünyanın ən prestijli elmi nəşrlərindən olan “British Journal of Surgery”də yayımlanıb.

Banner
Banner

Rəy bildir

Reyting əlavə et:

Digər xəbərlər

Banner