İngiltərədə hər gün iki doza peyvəndlə aşılanmış yüzlərlə insan koronavirusa yoluxur.

Tibb.fed.az bildirir ki, bu barədə İngiltərə hökumətinin keçmiş baş elmi müşaviri və Independent Sage Group-un sədri Ser Devid Kinq üçüncü dalğa ilə əlaqədar xəbərdarlıq edib. Buna onu aşılanan insanlar arasında koronavirus hallarının artması faktı məcbur edib: "İngiltərədə hər gün iki doza koronavirus peyvəndi olunan ən azından 400 nəfərin testi müsbət çıxır ".

Aşılamanın tətbiqi krallıqda koronavirusun yayılmasına həlledici bir zərbə vursa da, peyvəndlərin infeksiyanı birdəfəlik silə biləcək gümanları özünü doğrultmayıb. Onun sözlərinə görə, COVID-19-a yoluxmalarla bağlı mövcud rəqəmlər "yeni dalğanın sübutu" sayıla bilər.

“İki dəfə aşılanan insanın nisbətən təhlükəsiz olduğunu bilirik. Ancaq statistik olaraq 25 yeni hadisədən biri peyvənd olunmuş  insanda təsadüf edir”.

Kinq aşılanan insanlar arasında gündəlik 400 koronavirus yoluxmasının daha əhəmiyyətli bir rəqəmə yüksələ biləcəyini qeyd edib. O, Böyük Britaniyadakı mövcud vəziyyəti təhlükəli hesab edir. Mütəxəssisin sözlərinə görə, virus potensial daşıyıcılara yoluxma qabiliyyətini sürətlə inkişaf etdirərək aktiv şəkildə mutasiya edir. İngiltərədə xəstəlik hallarının artması koronavirusun Hindistan ştammının yayılması ilə əlaqələndirirlər. Onun bir neçə ay əvvəl bölgədə yeni dalğaya səbəb olan İngilis ştammından 40% daha çox ötürülə biləcəyi proqnozlaşdırılır.

Peyvənddən sonra infeksiyaya məruz qalmağa hansı amillərə təsir göstərir? Tədqiqatçılar daha az sağlam həyat tərzi və daha yüksək bədən kütlə indeksi (BMI) olan insanların peyvənddən sonra kovid xəstəliyinə tutulma riski ilə üzləşdiyini müəyyən  ediblər. İmmunitetinin azalmasına, zəifliyinə səbəb olan xəstəlikləri olan yaşlı insanlar da bir inyeksiyadan sonra yoluxma riski altındadır, eyni zamanda, elm adamları yaşın belə bir infeksiyaya yoluxma ehtimalına təsir etmədiyini bildirirlər.