Banner
Banner

Xəbərlər

Daha bir tibb müəssisəsində saxta peyvəndləmə əməliyyatı – İFŞA EDİLDİ

Daha bir tibb müəssisəsində saxta peyvəndləmə əməliyyatı – İFŞA EDİLDİ
12:55 26 Aprel 2021

Bakının Nizami rayonunda yerləşən 18 saylı Birləşmiş şəhər xəstəxanasının vəzifəli şəxslərinin qanunsuz əməlləri ifşa edilib.

Bu barədə Respublika Baş Prokurorluğu məlumat yayıb. Məlumatda deyilir: “18 saylı Birləşmiş şəhər xəstəxanasının vəzifəli şəxslərinin və qeyrilərinin qanunsuz əməlləri ilə əlaqədar vətəndaşlardan daxil olmuş müraciətlər əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılmaqla Azərbaycan Respublikası Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanmışdır.

Aparılmış istintaq-əməliyyat tədbirləri ilə qeyd olunan xəstəxananın vəzifəli şəxsləri ilə tibb qeydiyyatçılarının qabaqcadan əlbir olub vəzifə səlahiyyətlərindən sui-istifadə edərək müxtəlif pul məbləğləri müqabilində ayrı-ayrı vətəndaşların guya COVİD-19 pandemiyası əleyhinə vaksinasiya prosesində müayinədən keçərək peyvənd olunmaları barədə yalan məlumatları müvafiq informasiya portalına daxil etmələri və bununla əlaqədar digər zəruri saxta sənədləri tərtib etmələrinə əsaslı şübhələr yaranmışdır.

Hazırda cinayət işi üzrə əhəmiyyət kəsb edən halların, cinayətlərin törədilməsində hər hansı formada iştirak etmiş digər şəxslərin müəyyən edilərək məsuliyyətə cəlb edilmələri istiqamətində əməliyyat-istintaq tədbirlərinin həyata keçirilməsi davam etdirilir”.

Banner
Banner

Rəy bildir

Reyting əlavə et:

Digər xəbərlər

Banner