Bu göstərici artıq çəki ilə mübarizə apara bilməyən Amerikada qeydə alınıb.

Tibb.fed. az bildirir ki, aparılan araşdırmada koronavirusdən ölən amerikalıların 73%-dən çoxunda artıq kilo və ya piylənmə olduğu ortaya çıxıb. Bu, artıq çəkinin sağlamlıq üçün son dərəcə təhlükəli olduğunun bir daha təsdiqidir.

Müxtəlif qidalarda KALORİ MİQDARI. Arıqlamaq istəyənlər üçün CƏDVƏL

Xəstəliklərə Nəzarət və Profilaktika Mərkəzlərinin məlumatına görə çəkiyə və ya piylənməyə malik amerikalılar bütün COVID-19 qurbanlarının 73 %-dən çoxunu təşkil edir. Piylənmə xəstələri xəstəxanada qeydə alınan ölümlərin təxminən yarısını təşkil edir. Bu rəqəmlər demək olar ki, Amerika cəmiyyətindəki artıq çəki göstəriciləri olan insanların ümumi sayı ilə üst-üstə düşür. Bu gün amerikalıların demək olar ki, 74% -i artıq çəkiyə malikdirlər, ölkə əhalisinin 43% -i və ya demək olar ki, yarısı isə piylənməyə məruz qalan insanlardır.

Dünya Səhiyyə Təşkilatı bildirir ki, bütün koronavirus ölümlərinin 90% -i əhalisinin yarısının kök olduğu ölkələrdə baş verib. Başqa bir araşdırma da göstərir ki, koronavirusla əlaqədar xəstəxanaya yerləşdirilmə faktlarının üçdə ikisi dörd xarakterik şərtlə əlaqələndirilir və piylənmə bunlardan biridir. Bir çox ölkələrdə piylənmədən əziyyət çəkən insanlar koronavirus peyvəndləri almaq üçün prioritet hüquqa malikdir.

Dəlil toplusu göstərir ki, amerikalılar pəhriz və fiziki fəaliyyət baxımından sağlam bir həyat tərzi sürsəydilər, bu ölkə dünyada COVID-19-dan ən yüksək ölüm rəqəminə sahib olmazdı. Qərbi Avropa ölkələrində son dərəcə yüksək ölüm nisbəti, mütəxəssislərin fikrincə, çox sayda ahılı insanla əlaqələndirilir. Məsələn, Rusiyada və ya Ukraynada 85 və 90 yaşdan yuxarı vətəndaşlar İtaliyada və ya İngiltərədə olduğu qədər çox deyil. Daily Mail yazır ki, adıçəkilən postsovet ölkələrində insanlar nadir hallarda bu yaşa qədər yaşayırlar.