Tibbi elmində daha bir yenilik. Yeni test ilə ana bətnində olan dölün genetik xəstəliklərinin erkən dövrdə diaqnozunu sadələşdirmək olacaq.

Tibb.fed.az bildirir ki, Plymouth Universiteti alimləri hələ ana bətnində ikən dölün cinsini, qan qrupunu və genetik xəstəliklərin riskini erkən dövrdə qeyri-invaziv yolla aşkarlayacaq bir metod üzərində işləyirlər. Bu, adi qan analizidir. Mütəxəssislərin fikrincə, indiyə qədər mövcud olan metodlar həm kifayət qədər dəqiq deyil, həm də risklidir.

Tədqiqatçılar bir neçə hemofiliya və Duşenn əzələ distrofiyası riskini daşıyan analarda test aparmağı təklif ediblər. Bundan əlavə, test  yeni doğulmuşun (ana ilə dölün arasında qan rezus uyğunsuzluğu) hemolitik xəstəliyi riskini qiymətləndirməyə kömək edəcək. Bunun üçün hamiləliyin ilkin dövründə qan analizi götürmək lazım olur.

Bu gün hamiləlik zamanı hələ doğulmamış uşağın genetik xəstəliklərinin diaqnostikası üçün amniosentez həyata keçirilir. Bu metodla dölün düşük ehtimalı  1%  təşkil edir.  Lakin yeni üsul bu riski əhəmiyyətli dərəcədə azaldır. Tədqiqatçılar əlavə edirlər ki, bununla xəstəliyin erkən diaqnozu və  uşağın vaxtında müalicəyə başlamasına imkan verir.