Səhiyyə Nazirliyinin İctimai Səhiyyə və İslahatlar Mərkəzi orta məktəblərdə sorğu keçirəcək.
Tibb.fed.az xəbər verir ki, sorğu sağlamlığın qorunması ilə bağlı məlumatlılığın artırılması məqsədi ilə keçirilir. Şagirdlər və məktəb kollektivi arasında keçirilən sorğu Ümumdünya Səhiyyə Təşkilatının (ÜST) ekspertlərinin tərtib etdiyi xüsusi anketlə aparılacaq.
Təhsil Nazirliyi tərəfindən müəyyənləşdirilən 25 məktəbdə aparılacaq sorğu artıq Bakı şəhər 202 saylı orta məktəbdən başlayıb.
“Sağlamlığı təşviq edən məktəblər” şəbəkəsi ÜST üzrə Avropa regionunun artıq 45 ölkəsində səhiyyə və təhsil sahəsinin inkişaf siyasətində mühüm yer tutur.
Rəy bildir