Sistemli yuxu çatışmazlığı immunitet sisteminin səmərəliliyinin ən az 30% azalmasına səbəb olur.

Tibb.fed.az Rusiya KİV-nə istinadən bildirir ki, yuxu rejiminə və gümrahlılığa əməl etmək insanın infeksion agentlərin qəbuluna qarşı həssaslığını azaldır.  

Həkimlər immuniteti qorumaq üçün düzgün qidalanma rejiminə və fiziki fəaliyyətə riayət etməyin vacibliyini qeyd edirlər. Orta dərəcədə fiziki fəaliyyət, viral infeksiyalara qarşı ilk müdafiə xəttini təmin edən immunitet hüceyrələrinin istehsalını artırır. Eyni zamanda həddindən artıq və yorucu idmanlar bədəni stres vəziyyətinə gətirir və bununla da qoruyucu funksiyalarını zəiflədir.

Bədənin təbii müdafiə sistemi olan – İMMUNİTETİ NECƏ GÜCLƏNDİRMƏLİ?

İnfeksionistlərin fikrincə, dərman immunoterapiyası yalnız immunitet pozuntuları və tibbi səbəblərdən təsirlidir:  "Normal immunitet sistemi reaktivliyi olan orta statistik insan üçün immunitet sistemini gücləndirmək üçün bu cür dərmanların istifadəsi gözlənilən təsiri verməyəcək və hətta bir sıra fəsadlara səbəb ola bilər".