Yeni bir yastıq və ya daha yumşaq döşək insanın doyunca yatmasına və özünü yaxşı hiss etməsinə kömək etmir. Ancaq yuxunuzu daha təsirli və daha möhkəm etmək üçün bəzi sadə yollar var. Tibb.fed.az bunu ABŞ-dan bir nevroloq Chris Uinterə istinadən yazır.

Onun sözlərinə görə, bu yollardan biri yataq otağındakı temperaturun bir neçə dərəcə aşağı salınmasıdır. Amerikalı nevroloq bildirib ki, sərin bir otaqda yatmaq bədənə müsbət təsir edir. Qış fəslində isə ən başlıcası həddi aşmamaq və temperaturu çox aşağı salmamaq gərəkdir.

Həkimin tövsiyə etdiyo ikinci yol isə davamlı bir yuxu rejimini inkişaf etdirməklə bağlıdır. Çünki bu rejim orqanizmə yuxuya getmə və oyanma vaxtını xatırlaya bilir. Bu, hormon istehsalı baxımından işləyir, çünki orqanizmə istirahət üçün lazım olan maddələrin istehsal müddətini xatırlamaq daha asandır.

Nevroloq Uinterin son tövsiyəsi alkoqoldan çəkinmək və mütəmadi olaraq idman etməkdir.