Bu əməliyyat 2001-ci ildə Sinqapurda başları bir-birinə bitişik 11 aylıq əkizləri ayırmaq üçün aparılıb.

Tibb.fed.az “The Guardian” nəşrinə istinadla bildirir ki, Sinqapurdakı əməliyyatda 20 həkimdən ibarət komanda iştirak edib.

103 saat davam edən bu tibbi əməliyyat qeyd edilən ən uzun müddət davam etmiş tibbi əməliyyatdır. 103 saat 4 gün 7 saat bir müddət edir.

Başları bir-birinə bitişik 11 aylıq əkizlərin ayrılması əməliyyatı uğurlu keçsə də, onlardan biri cəmi 7 il yaşaya bildi. Həyatını itirən əkiz qızlardan birinin ölüm səbəbləri isə açıqlanmır. Digər qız isə sağlamdır və normal həyatını yaşayır.

Qeyd edək ki, bu əməliyyata qədər dünyada ən uzunmüddətli cərrahiyə əməliyyatı 1951-ci ildə ABŞ-ın Çikaqo şəhərində qeydə alınıb. 96 saat davam edən əməliiay zamanı 58 yaşlı qadının yumurtalıqlarından şiş çıxarılıb. Əməliyyata qədər 277 kq çəkidə olan pasiyent əməliyyatdan sonra 138 kq-a düşüb.